女生提案 Girlnews HK

日本Tully’s Coffee再度同Harry Potter合作，10月28日起推出限定茶點以及飲品。

受到英國聖誕節節日食品 – 百果餡餅(Mince pie)啟發，設計出百果餡餅奶茶同牛奶咖啡，雲呢拿、咖啡同乾水果堆砌出獨有嘅風味。百果餡餅係英國傳統節日食品，通常會喺聖誕節同新年期間製作，喻意由聖誕正日（12月25日）起到第十二夜主顯日期間嘅十二日，一日食一個，未來一年十二個月都會生活愉快。

而且可以另外加700円，換購嘿美杯套，杯套更加可以套喺手腕作為裝飾。

Tully’s Coffee 配合哈利波特嘅故事背景，設計出多款英式傳統甜品，令人從味覺進入魔法世界！