隨著暑假嘅到黎，相信大家都會趁著放假日子去同陽光挽遊戲。今個夏天嘅太陽特別熾熱，出門或者去沙灘唔做好防曬唔但會曬黑皮膚，仲會曬到甩皮。
脫皮嘅皮膚紅腫、灼熱、脹痛，大家應該都唔想經歷，所以就要特別注意做好曬後護理啦。而曬後嘅72小時就係最關鍵，用正確嘅方法先可以令皮膚快速回復原狀！小編推介以下幾款急救好物！
La Roche Posay溫泉舒緩噴霧
其實曬後嘅第一步應該先為肌膚做好補濕，舒緩保濕噴霧方便之餘仲可以紓緩泛紅，瞬速鎮靜曬後敏感肌膚，減低甩皮嘅機會！
Nature Republic保濕蘆薈凝膠
Nature Republic嘅蘆薈gel，入面含有高達92%嘅新鮮蘆薈原液，不含香料、礦物油同色素，100% 純天然，性質溫和，有紓緩、保濕、鎮靜、消腫等功效。清涼gel可以為曬後肌膚降紅，幫肌膚保濕。
Kiehl’s金盞花蘆薈鎮靜保濕凍膜
Kiehl’s金盞花系列一向都好受歡迎，呢款保濕凍gel都加入左金盞花瓣同蘆薈精華，既溫和保濕又可以鎮靜紓緩敏感肌。
FIRST AID BEAUTY Ultra Repair Cream
FIRST AID BEAUTY嘅Ultra Repair Cream出左名係萬用嘅修復乳霜，當中嘅燕麥粉成份，有助紓緩同修復因為乾燥敏感嘅肌膚，作為曬後肌膚護理最適合不過。厚搽Ultra Repair Cream仲可以當面膜用。
Nivea加倍美白緊緻乳液
保濕工作做好後，當肌膚無咁敏感就可以用一啲美白產品，幫助肌膚重拾曬前嘅亮白。Nivea加倍美白緊緻乳液，蘊含50倍維他命C同Q10，可以達到深層補濕外，仲有亮白同修復暗沉肌膚嘅功效。
發表迴響