女生提案 Girlnews HK

各位鍾意漂染嘅靚靚s有冇成日因為布丁頭而好困擾呢？想去補漂髮根，又未必有時間同錢，生出少少黑色嘅時候又覺得可以再堅持多一陣，拖下拖下就變咗巨大布丁頭。今次小編搵到日本品牌SHOBIDO推出咗補色染髮棒，等個頭處於尷尬時期嘅你都可以照影靚相！補色染髮棒總共有五隻色，特別適合鍾意染奶茶色同棕色調髮色嘅你。而佢嘅設計亦超級方便各位手殘星人，睫毛刷頭輕輕刷一刷就上到色，落雨、出汗都唔會甩，想洗甩佢嘅時候用熱水沖一沖就搞掂！咁嘅神物價錢都只係1,320円，一定要入手！